काठमाडौं, फागुन ३० ।
जारी स्पेनिस ला लिगा फुटबलको शीर्ष स्थानमा रियल मड्रिड पुग्न सफल भएको छ । लिगअन्तर्गत गएराति भएको खेलमा रियल बेटिसलाई २–१ गोलले पराजित गर्दै रियल मड्रिड बार्सिलोनालाई पछि पार्दै शीर्ष स्थानमा उक्लिन सफल भएको हो ।

घरेलु मैदानमा भएको खेलमा रियल मड्रिडलाई जिताउन क्रिष्टियानो रोनाल्डो र सर्जियो रामोसले एक एक गोल गरेका थिए । बेटिसका एन्टोनियो सनाब्रियाले एक गोल फर्काएका थिए ।

जितसँगै रियल मड्रिडले बार्सिलोनालाई दुई अंकले पछि पार्दै शीर्ष स्थानमा उक्लिएको हो । बार्सिलोनाभन्दा एक खेल कम खेलेको रियल मड्रिडको २६ खेलबाट ६२ अंक भएको छ । दोश्रो स्थानमा झरेको बार्सिलोनाले ६० अंक जोडेको छ ।