नेपालगन्ज गोल्ड कप फुटबल प्रतियोगितामा संकटा क्लब फाईनलमा प्रबेश

नेपालगञ्ज, चैत १ ।
नेपालगन्ज गोल्ड कप फुटबल प्रतियोगितामा सीएमजी संकटा क्लब टुबर्ग दोस्रो फाईनलमा प्रवेश गरेको छ ।
नेपालगन्ज रंगशालामा सोमबार सकिएको खेलमा सुदुरपश्चिमलाई टाईब्रेकरमा हराउँदै संकटा फाईनलमा प्रवेश गरेको हो । निर्धारित समयमा १–१ गोलको बराबरी भएपछि खेल टाईब्रेकरमा पुगेको थियो । टाईब्रेकरमा ५ विरुद्ध ४ गोलले संकटा क्लब विजयी हुँदै फाईनलमा प्रबेश गरेको हो ।
दोस्रो सेमिफाईनल खेल नेपाल पुलिस र रूपन्देहीबीच प्रतिस्पर्धा हुने आयोजकले जनाएको छ । बाँके जिल्ला फुटबल संघको आयोजनामा संचालित प्रतियोगितामा ए डिभिजन लगायतका ८ वटा टिमको सहभागिता रहेको छ । विजेता टिमलाई ५ लाख र उपविजेता टिमलाई २ लाख ५१ हजार नगद पुरस्कार राशी रहेको आयोजकले जनाएको छ ।
प्रतिक्रिया