काठमाडौं, चैत्र ३ ।
व्यावसायिक रूपमा निकै सफल मानिएको बलिउड चलचित्र ‘बाहुबली’ को दोस्रो श्रृंखला ‘बाहुबली–२’ को ट्रेलर रिलिज भएको छ । एस एस राजमौलीको निर्देशनमा तयार भएको फिल्म अप्रिल २८ मा रिलिज हुँदैछ ।

चलचित्रमा साउथका चर्चित नायक प्रवास, राना दग्गयबत्ती, अनुष्का शेट्टी, तमन्ना भाटिया आदिको मुख्य भूमिका रहेको छ ।

‘बाहुबली’ले भारतीय बक्स अफिसमा आक्रमण व्यापार गरेको थियो । पहिलो दिन नै ५० करोडको व्यापार गरेको यो चलचित्रले ५ सय करोड माथिको व्यापार गर्दै चर्चा पाएको थियो ।

विशेषगरि, कटप्पाले बाहुबलीलाई किन मारे भन्ने विषय अन्त्य नगर्दै चलचित्रलाई कौतुहलतामा राख्दै यसको पहिलो भाग सकाएको थियो । अब, यसको सिक्वेलमा यो विषयको कौतृहलता समाप्त हुनेछ । यसैले पनि अहिले विश्वभरका दर्शकका लागि ‘बाहुबली २’ प्रतिक्षामा छ ।