काठमाडौं, चैत्र ३ ।
नेपाल योग खेलकुद संघले जेठ महिनामा दक्षिण एसियाली योग च्याम्पियनसिप गर्ने भएको छ । संघका अध्यक्ष प्रा. डा. सूर्यबहादुर कार्कीको अध्यक्षतामा सातदोबाटोमा बसेको बैठकले उक्त निर्णय गरेको हो ।

बैठकले चैत्र १५ गतेदेखि बृद्धबृद्धालाई लक्षित गरी सातदोबाटोमा बिहान ५ः३० बजेदेखि ६ः३० बजेसम्म दैनिक १ घण्टा योग कसरत सञ्चालन गर्ने, बैशाखमा राष्ट्रिय च्याम्पियनसिप गर्ने, विभिन्न जिल्लालाई समेटेर काठमाडौं, इटहरी, नेपालगन्ज, पोखरा र चितवनमा योग र ध्यान शिविर सञ्चालन गर्ने निर्णय गरेको संघका महासचिव चूडामणि खरेलले जनाएका छन् ।