काठमाडौं, चैत्र ३ ।
काठमाडौंको कीर्तिपुरस्थित क्रिकेट मैदानमा यहीँ आउँदो चैत्र १५ गतेदेखि खुकुरी ईएनटी र डिभाज इभेन्ट एण्ड मिडिया प्रा.लि.को संयुक्त आयोजनामा पहिलो पटक सुपर–आठ क्रिकेट प्रतियोगिता हुने भएको छ ।

उक्त प्रतियोगिताबारे आज एक पत्रकार सम्मेलनको आयोजना गरी आयोजक कमिटीका सचिव विनोद महर्जनले प्रतियोगितामा विभिन्न २० वटा टोलीले सहभागिता जनाउने बताएका छन् । प्रतियोगिता चैत्र १९ गतेसम्म सञ्चालन हुने सोही सम्मेलनमार्फत जानकारी गराइएको छ ।

प्रतियोगिताको बिजेता टोलीलाई रु. एक लाख तथा उपबिजेतालाई रु. ५० हजार प्रदान गरिने छ । त्यसैगरी, प्रतियोगितामा उत्कृष्ट खेलाडीले रु. २० हजार तथा उत्कृष्ट ब्याट्सम्यान र बलरले जनही रु. १० हजार प्राप्त गर्नेछन् । प्रतियोगिताभरी करिब ३७ वटा खेल हुनेछन् ।