एजेन्सी, चैत्र ४ ।
भारतीय क्रिक्रेट टीमका पूर्व कप्तान महेंन्द्र सिंह धोनी तथा उनका झारखण्ड टीमका साथीहरू बसेको एक होटलमा आगलागी भएको छ ।
भारतको नयाँ दिल्लीको द्धारका क्षेत्रमा रहेको वेलकम होटलमा आज बिहान सवा ६ बजेतिर आगलागी हुदाँ भारतीय क्रिकेट टीमका पूर्व कप्तान महेंन्द्र सिंह धोनी तथा उनका झारखण्ड टीमका साथीहरूलाई सकुशल उद्धार गरिएको छ ।

दिल्लीको एक दमकल कर्मचारीकाअनुसार आगो निभाउनको लागि करिब तीस वटा दमकल प्रयोग गरिएको थियो भने आगलागीको कारण भने अझै पत्ता लाग्न सकेको छैन । त्यस आगलागिमा जनधनको कुनै क्षति नभएको जनाइएको छ ।

भारतका सुपर स्टार खेलाडी महेंन्द्र सिंह धोनी विजय हजारे कप अन्तर्गत शुक्रबारको लागि तोकिएको सेमिफइलन खेलमा झारखण्ड टीमको नेतृत्वका लागि राजधानी दिल्लीमा रहेका छन् ।

यस घटना पश्चात शुक्रबार हुने भनिएको झारखण्ड र पश्चिम बङ्गाल बीचको सेमिफाइलन खेललाई केही समयको लागि स्थगित गरिएको छ ।
पश्चिम बङ्गाल टीमलाई मनोज तिवारी र झारखण्ड टीमलाई महेन्द्र सिंह धोनीले नेतृत्व गर्दै छन् । यी दुई बाहेक यस खेलमा बंगालको तर्फबाट अशोक डिंडा र झारखण्डको तर्फबाट वरुण एरोन, ईशान किशन तथा सौरभ तिवारी जस्ता खेलाडीहरू समाबेश भएका छन् । झारखण्डले विदर्भलाई हराएर सेमीफाइनलको यात्रा तय गरेको थियो । खेलाडीहरूका लुगा तथा खेल सामग्रीहरू आगलागीको कारण नष्ट भएको हुँदा शुक्रबार हुने भनिएको सेमिफाइलन खेललाई शनिबार सम्मका लागि स्थगित गरिएको छ ।