काठमाडौं, चैत्र ५ ।
कमेडियन एवं टिभी स्टार कपिल शर्माले विवाह गरेका छन् । उनले सामाजिक सञ्जालमार्फत आफ्नो श्रीमतीको तस्वीर सार्वजनिक गर्दै आफूले विवाह गरेको सार्वजनिक गरेका हुन् ।

उनले फेसबुकमा श्रीमती गिन्नी चतरथसँगको फोटो पोष्ट गर्दै भनेका छन्, ‘मेरी श्रीमतीलाई भेट्नुहोस्, उनलाई म दीपिकालाई भन्दा धेरै माया गर्छु ।’ कपिलले आफ्नो शोमा आफूलाई अत्यन्तै मनपर्ने बताउँदै दीपिकासँग नाम जोडेर कमेडी गर्ने गरेका छन् ।

त्यसैगरी, ट्वीटरमा पनि फोटो राख्दै कपिलले भनेका छन्, ‘म उनलाई मेरो आधा जिन्दगी त भन्दिन तर उनले मलाई पूरा गर्छिन् लभ यू गिन्नी ।’

गिन्नी र कपिलबीच निकै लामो समयदेखि प्रेम रहेको बताइएको छ । यद्यपि, कपिलले भने यो कुरा सार्वजनिक गरेका छैनन् । कपिलले करिब तीन वर्ष अघिको एउटा अन्तर्वार्ताका क्रममा आफू भवनित चतरथ अर्थात गिन्नीसँग सम्बन्ध गाँस्न चाहेको बताएका थिए ।