बलिउडकी चर्चित अभिनेत्री ऐश्वर्याकी पिताको निधन

एजेन्सी, चैत्र ६ ।
भारतीय चलचित्र क्षेत्रकी चर्चित नायिका एवं पूर्वविश्व सुन्दरी ऐश्वर्या राय बच्चनकी पिता कृष्णराज रायको निधन भएको छ । लामो समयदेखि बिरामी रहेका रायको शनिबार मुम्बईको लिलावती अस्पतालमा निधन भएको हो ।
स्वास्थ्य अवस्था बिग्रिएपछि गत जनवरीमा उनलाई अस्पतालमा भर्ना गरिएको थियो । पछिल्लो समय अवस्था थप गम्भीर बन्दै गएपछि उनलाई आईसीयूमा राखेर उपचार गरिएको थियो ।
अहिले अस्पतालमा बलिउडका कलाकारको भीड लागेको छ । ऐश्वर्याका पति अभिनेता अभिषेक बच्चनसहित ससुरा अमिताभ बच्चन पनि अहिले अस्पतालमै छन् । कृष्णराजको आजै अन्येष्टि गरिने भारतीय सञ्चारमाध्यमले जनाएको छ ।
प्रतिक्रिया