काठमाडौं, चैत्र ७ ।
इंग्लिस प्रिमियर लिग फुटबलमा म्यानचेस्टर युनाइटेडले छ सयौं जित दर्ता गरेको छ । यस लिगअन्तर्गत आइतबार राति मिडिल्सब्रोलाई ३ विरुद्ध १ गोलले पराजित गर्दै युनाइटेडले लिगमा छ सयौं जित पूरा गरेको हो ।

सन् १९०२ मा स्थापना भएको युनाइटेडले आफ्नो ११५ वर्षे इतिहासमा छ सयौं खेल जित्ने पहिलो क्लब बन्न सफल भएको छ । मिडिल्सब्रोमाथिको जितसंगै युनाइटेड अंक तालिकाको पाँचौ स्थानमा उक्लिएको छ । युनाइटेडले २७ खेलबाट ५२ अंक जोडेर रेलिगेसन जोनमा रहेको मिडिल्सब्रको २२ अंक छ ।

मिडिल्सब्रोको घरेलु मैदानमा भएको खेलमा युनाइटेडलाई जित दिलाउन मारोउने फेलानी, जेस लिंगार्ड र एन्टोनी भ्यालेन्सियाले समान एक÷एक गोल गरे । मिडिल्सब्रोका लागि रुडी जेस्टेडले सान्त्वना गोल फर्काएका थिए ।

जाल्टन इब्राहिमोविच, पाउल पोग्वा लगायतका खेलाडीबिना मैदान उत्रिएको युनाइटेडले खेलको ३० औं मिनेटमा फेलानीको गोलबाट अग्रता बनाएको थियो भने इब्राहिमोविच प्रतिबन्ध र पोग्वा घाइते भएका कारण मिडिल्सब्रोसंगको खेलमा मैदानमा उत्रिन सकेन ।

दोस्रो हाफको ६२ औं मिनेटमा लिंगार्डले गोल गर्दै युनाइटेडको अग्रता दोब्बर बनाएता खेलको ७७ औं मिनेटमा मिडिल्सब्रोका जेस्टेडले गोल गर्दै खेल २ विरुद्ध १ गोलमा पु¥याए । तर, खेलको इन्जुरी समयमा मिडिल्सब्रोका किपर भाल्डेजको गल्तीमा भ्यालेन्सियाले गोल गर्दै युनाइटेडलाई ३ विरुद्ध १ को महत्वपूर्ण जित दिलाए ।