एजेन्सी, चैत्र ७ ।
पिटर ह्याण्ड्सकम्बको उत्कृष्ट प्रदर्शनले अष्ट्रेलिया बिरुद्धको तेस्रो टेष्ट बराबरीमा सकिएको छ । अन्तिम तथा पाँचौं दिन पुरै ब्याटीङ गर्दै अष्ट्रेलियाले टेष्ट बराबरीमा सकाएको हो ।

टेष्टका लागि पिटर नटआउट भएपछि अष्ट्रेलियाले १०० ओभरमा २०४ रन बनाउँदा ६ विकेट गुमाउँदै पाँचौ दिन समाप्त सकाएको हो । ४ केलको श्रृखंलामा दुवै टोलीले १÷१ खेल जितेका छन् भने अन्तिम तथा चौथो टेष्टले श्रृखंला निर्धारण गर्नेछ ।

टस जितेर पहिले ब्याटीङ खोजेको अष्ट्रेलियाले आफ्नो पहिलो पारीमा ४५१ रन बनाएको थियो । कप्तान स्टिव स्मिथको आउट नभई १७८ रन बनाएका थिए भने ग्लेन म्याक्सवेलले १०४ रनको योगदान दिएका थिए । भारतका रविन्द्र जडेजाले ५ विकेट लिएका थिए । त्यसैगरि उमेश यादवले ३ विकेट हात पारेका थिए ।

भारतले पहिलो पारीमा ६०३ रन बनाउँदै ९ विकेट गुमाउँदा पारी घोषित गरेको थियो । चेतेश्वर पुजाराले २०२ रन बनाएका थिए भने हृद्दीमान शाहले ११७ रनको योगदान गरेका थिए । पुजाराले ५२५ बलमा दोहोरो शतक बनाए । अष्ट्रेलियाका प्याट कुमिन्सले ४ तथा स्टिव ओकिफले ३ विकेट लिएका थिए ।

अन्तिम पाँचौं दिनमा पुरै ब्याटीङ गर्दै अष्ट्रेलियाले टेष्ट बराबरीमा अन्त गरेका थिए । अष्ट्रेलियाले १०० ओभरमा २०४ रन बनाउँदा ६ विकेट गुमाउँदै पाँचौ दिन समाप्त भएको हो ।

पिटर ह्याण्ड्सकम्बले आउट नभई ७२ रन बनाएको छ भने शन मार्शले ५३ रनको योगदान रहयो । भारतका रविन्द्र जडेजाले ४ विकेट हात पारे । खेलका प्लेयर अफ म्याच भारतका चेतेश्वर पुजारा घोषित भएका थिए ।