काठमाडौं, चैत्र १० ।
अन्तर्राष्ट्रिय मैत्रीपूर्ण फुटबलमा स्कटल्याण्ड क्यानडासँग बराबरीमा रोकिएको छ । २०१८ मा हुने विश्वकपको तयारी अन्तर्गत बुधबार राति घरेलु मैदानमा भएको खेलमा स्कटल्याण्ड र क्यानडाले १÷१ को बराबरी खेल खेलेका हुन् ।

क्यानडाका खेलाडि फ्रेजर एर्यडले ११ औं मिनेटमा गोल गर्दै क्यानडालाई सुरुवाति अग्रता दिलाए । ३५ औं मिनेटमा स्टिभन नाइस्मिथले घरेलु टोलीका लागि बराबरी गोल फर्काए । त्यसपछि दुवै टिमले गोल गर्न सकेन र खेल बराबरीमा समाप्त भएको थियो ।

फिफा बरियतामा स्कटल्याण्ड क्यानडा भन्दा धेरै अगाडि छ । एक सय १७ औं स्थानमा रहेको क्यानडाले ६७ औं स्थानमा रहेको स्कटल्याण्डलाई बराबरीमा रोक्न सफल भयो । स्कटल्याण्डले राम्रो प्रदर्शन गर्न सकेन । तर दोस्रो हाफमा पनि क्यानडाले गोल गर्ने सुन्दर अवसर सिर्जना गरेको थियो त्यसमा सफल भने हुन सकेन । राति नै भएको खेलमा साइप्रसले काजकस्तानलाई ३ विरुद्ध १ गोल तथा चेक गणतन्त्रले लिथुवानियालाई ३ विरुद्ध शून्य गोलले पराजित गर्‍यो ।