काठमाडौं, चैत्र ११ ।
विश्वकप छनौट अन्तर्गत शुक्रबार बिहान भएको खेलमा ब्राजिलसँग उरग्वेले ४ विरुद्ध १ गोलले पराजय भएको छ ।

ब्राजिलका पाउलिन्होले ह्याट्रिक र कप्तान जुनियर नेयमारले १ गोल गरेको खेलमा उरग्वेले पेनाल्टी गोलमार्फत अग्रता लिएको हो । ९ औं मिनेटमा काभानीले पेनाल्टी गोलमार्फत अग्रता दिलाए तापनि पाउलिन्होले १८ मिनेटमा बराबरी गोल फर्काएका थिए । ५१ र ९० औं मिनेटमा अर्को २ गोल थपेर ह्याट्रिक गरेका थिए । ७४ औं मिनेटमा कप्तान नेयमारले एक गोल गरे ।

पाउलिन्हो चिनको ग्वान्झाओ इभरग्रान्डेमा खेलिरहेका २८ वर्षे खेलाडी हुन् । यो खेलसँगै ब्राजिल ३० अंक जोडेर समुहको शिर्ष स्थानमै रहेको छ । यसअघि ब्राजिलको घरेलु मैदानमा भएको खेलमा यि दुई देशले २/२ को बराबरी खेल खेलेका थिए ।