एजेन्सी, चैत्र १३ ।
बलिउडका चर्चित अभिनेता शाहिद कपुर वास्तविक जीवनमा मीरा राजपुतसँग वैवाहिक जीवन बिताइरहेका छन् भने एक छोरीका बुबासमेत भइसकेका उनले आफ्नो एक अन्तर्वार्ता दिने क्रममा अभिनेतृ करिना कपुर खानसँगको सम्बन्धलाई रहश्यमय भएको बताए ।

सो कार्यक्रममा उपस्थित दर्शकहरूले करिना र शाहिदको सम्बन्धलाई लिएर प्रश्न गरेका थिए । शाहिदले जवाफ दिँदै भने, ‘मेरो प्रेम सम्बन्धको बारेमा तपाईंहरूलाई के थाहा छ ? के मेरो जासुस गर्नुहुन्छ ? ‘मेरो अतित गोपनीय छ ।’ म आफ्नो निजी जीवनको बारेमा खुलासा गर्न चाहन्न ।’
त्यसपछि दर्शकहरूले शाहिदलाई डान्स गर्न आग्रह गरेका थिए । शाहिद र करिनाबीचको सुमधुर सम्बन्धलाई लिएर धेरै जसो मिडियाहरूले विभिन्न समाचारहरू सम्प्रेषण गर्दै आएको छ ।

यी दुई चर्चित अभिनेता र अभिनेतृ आ–आफ्नो निजी जीवनमा धेरै अगाडि बढिसकेका छन् । तर, पनि उनीहरूको सम्बन्धको बारेमा जान्न मिडिया र दर्शकहरूको इच्छुकता थप बढ्दै गइरहेको छ ।