काठमाडौं, चैत्र १५ ।
इमर्जिङ टिम्स एशिया कप क्रिकेट अन्तर्गतको दोस्रो खेलमा नेपाल र बंगलादेशको खेलमा कक्स बजारस्थित शेख कमल अन्तर्राष्ट्रिय क्रिकेट रंगशालामा टस जितेर फिल्डिङ रोजेको नेपालले कसिलो बलिङ गरिरहेको छ । सोमबार पाकिस्तानसँग हारे पछि ५० ओभरको खेलमा नेपालले बंगलादेशको महत्वपूर्ण ९ विकेट लिएको छ भने बंगलादेशले २५८ रनको लक्ष्य दिएका छन् ।

पाँचौं र छैटौं विकेट युवा स्टार सन्दिप लामिछानेले लिएका छन् । उनले बंगाली कप्तान मोमिनुल हक र अफिफ हुसेनको महत्वपूर्ण विकेट लिएका हुन् ।

पाँचौं विकेट लिने क्रममा सन्दिपले हक र नसिर हुसेनको ७८ रनको पार्टनरसीप तोड्न सफल भए । २५ औं ओभरको पहिलो बलमा उनले मोमिनुललाई ६१ रनको व्यक्तिगत स्कोरमा आउट गरेका हुन् ।

नेपालका लागि अविनाश कर्णले सर्वाधिक ३ विकेट लिएका छन् । यस्तै मेहबुब आलम, दिपेन्द्र सिंह ऐरी र ज्ञानेन्द्र मल्लले समान १ विकेट लिए ।