काठमाडौं, चैत्र १५ ।
एसिया कप छनौट फुटबलमा आज नेपाल र फिलिपिन्सविरुद्ध हुने खेलमा नेपाली टोलीका कप्तान विराज महर्जन सुरुवाती ११ मा परेका छैनन् । नियमित कप्तान अनिल गुरुङ २० सदस्यीय टोलीमै पर्न असफल हुँदा त्यसपछि कप्तान बनाइएका विराज बेन्च मै सिमित हुने भएका छन् । उनको ठाउँमा कमल श्रेष्ठलाई राखिएको छ ।

गोलकिपरमा किरण चेमजोङ छन् । डिफेन्डरमा रबिन श्रेष्ठ, कमल श्रेष्ठ, अनन्त तामाङ र अदित्य चौधरी छन् । यस्तै मिडफिल्डमा बिक्रम लामा, रोहित चन्द, सुजल श्रेष्ठ र अन्जन विष्ट तथा फर्वाडमा विमल घर्ती मगर र भरत खवास छन् ।

मनिलाको रिजल मेमोरियल रंगशालामा खेल बेलुका पौने ६ बजे सुरु हुनेछ । एएफसी सोलिडारिटी कपको उपाधि जितेकाले नेपालले एसिया कप छनौट खेल्ने अवसर पाएको हो ।

फिफा बरियतामा फिलिपिन्स नेपालभन्दा ४६ स्थान माथि छ । बरियतामा नेपाल एक सय ७० तथा फिलिपिन्स एक सय २४ औं स्थानमा छन् । फिलिपिन्ससँगका पछिल्ला तीन खेलमा सबैमा नेपाल पराजित भएको छ ।

नेपाली टोलीको सुरुआती ११ – किरण चेम्जोङ (गोलकिपर), रविन श्रेष्ठ, कमल श्रेष्ठ, आदित्य चौधरी, अनन्त तामाङ, रोहित चन्द, विक्रम लामा, अञ्जन विष्ट, सुजल श्रेष्ठ र भरत खवास ।