काठमाडौं, बैशाख ७ ।
यो बर्ष २०१७ को सर्वाधिक प्रतिक्षित फिल्म ‘बाहुबली–२’ को नेपाल प्रदर्शन अधिकार महंगोमा खरिद भएको छ । वितरक सुनिल मानन्धरको कम्पनी श्रीराम बालाजी पिक्चर्सले फिल्मलाई तीन करोडमा नेपाल भित्र्याएको हो ।

यो रकम कुनै पनि भारतीय फिल्मलाई नेपाल प्रदर्शनको लागि खर्चिएको सर्वाधिक बढि हो । यसअघि मानन्धरकै पहलमा बाहुबलीको पहिलो संस्करण पनि दर्शना आर्टसले नेपाल भित्र्याएको थियो । उक्त समयमा बाहुबलीलाई १ करोड ५० लाखमा नेपाल ल्याइएको थियो ।

यही अप्रिल २८ तारीख विश्वव्यापी रूपमा प्रदर्शनमा आउन लागेको फिल्मलाई एसएस राजामैलीले निर्देशन गरेका छन् । भारतमा यो फिल्म अहिले सर्वाधिक चर्चामा छ । फिल्म निर्माता टिमले रिलिज पूर्व नै ३ सय करोड रुपैयाँ कमाइसकेको भारतीय मिडियामा चर्चा छ ।