एजेन्सी, बैशाख १४ ।
सन् १९४६ अक्टुबर ६ मा पाकिस्तानको पेशावरमा जन्मिएका बलिउडका सुपरस्टार विनोद खन्नाको ७० वर्षको उमेरमा निधन भएको छ । उनी क्यान्सरबाट पीडित थिए ।

केही समयदेखि उनको शरिरमा पानीको मात्रामा कमी देखिएकाले उनलाई अस्पताल भर्ना गरिएको थियो । उपचारको क्रममा उनको निधन भएको भारतीय सञ्चार माध्यमले जनाएको छ ।

खन्ना बलिउड फिल्म इन्डस्ट्रीका सुपर स्टार हुन् । उनले करिब १५० भन्दा बढी चलचित्रमा अभिनय गरेका थिए । ‘इन्साफ’ ‘सत्यमेव जयते’ जस्ता सुपरहिट चलचित्रमा अभिनय गरेका खन्नाले हेमा मालिनीले बनाएको सीरियल ‘एक थी रानी ऐसीभीमा’ मासमेत अभिनय गरेका थिए ।