काठमाडौं, बैशाख १७ ।
बलिउड सुपर स्टार सैफ अली खान र करिना कपुर खानको घरमा छोरा तैमुरको आगमनसँगै खुसी छाएको केही महिना पनि नबित्दै खुसी सबै अहिले दुःखमा परिणत हुन पुगेको छ । जुन घटना सो परिवारका सबै सदस्यका लागि नै एउटा नराम्रो खबरसमेत बन्न पुगेको छ ।

घटना गर्भावस्थामा रहेकी सोहा अली खानसँग जोडिएको छ । हरियाणाको लोकायुक्तले गुरुग्रामका पुलिस कमिश्नर र जिलेका आम्र्स लाइसेन्स अथोरिटी (एएलए) लाई बलिउड नायिका सोहा अली खानलाई जारी गरेको हतियार लाइसेन्सको मामलामा जाँच गर्न आदेश जारी गरेको छ ।

सन् १९९६ सालमा सोहालाई आम्र्स लाइसेन्स जारी गरेको आरोपसमेत लागेको थियो । जबकी त्यस समयमा उनी योग्य थिइनन् । हतियार लाइसेन्स उनका बुबा नवाब मन्सुर अली खान पटौदी र अन्य छ जनाले कालो हिरण शिकार गर्नका लागि प्रयोग गरेको थियो ।

रजिस्ट्रारकाअनुसार आईपीसीको धारा ४२० बमोजिम दण्डनीय अपराधको आरोप लागेको थियो, सोही कार्यका लागि उनलाई सजाँय दिनुपर्ने थियो ।

सोहा अली खानद्वारा कानूनविपरीत १८ वर्षको उमेरमा हतियार लाइसेन्स बनाएकाले २०१६ मा लोकायुक्तमा आरोप दर्ता भएको थियो । लोकायुक्तका रजिस्ट्रारले सबै जाँच र सुनुवाई गरी यही महिनाको दोश्रो हप्तामा नै लोकायुक्तलाई आफ्नो रिपोर्ट दिइसकेको थियो । रजिस्ट्रारको सिफारिशमा लोकायुक्तले सोहा र यो केशसँग जोडिएका सबै आरोपितहरूलाई एफआईआर दर्ता गराउन निर्देशन दिएको थियो ।

पिपुल्स फर एनिमलका चियरम्यान नरेन कादियानले उक्त आरोप दर्ता गराएका थिए । अब उक्त आरोपबारे जुलाई २४ तारिखमा सुनुवाई हुने भएको छ भने कम उमेरमै लाइसेन्स बनाएका कारण उनीमाथी एफआईआर दर्ता भएको हो । लाइसेन्स जफत गरिसकेपछि मात्र यो घटनाबारे छानबिन सुरु भएको थियो । सोहाले उक्त शस्त्र लाइसेन्सलाई पुलिस स्टेशनमा भएको बेलामा पुनः रिन्यु पनि गराएका थिए ।

अब फेरि आरोप दर्ता हुने बित्तिकै मामिला बढेको छ । उक्त मामिला एनिमल एक्टिविस्ट र हरियाणा स्काउट एण्ड गाइड कमिश्नर नरेश कुमारद्वारा दर्ता गराइएको रिपोर्टअनुसार नै रजिस्ट्रार मञ्जित सिंहले उक्त मुद्दालाई अगाडि बढाएका छन् ।