काठमाडाैं, भाद्र १० ।
जनवादी गायक जेबी टुहुरे (जुठबहादुर खड्गी)को निधन भएको छ । मंगलबार कलंकीस्थित आफ्नै निवासमा लडेका उनलाई उपचारका लागि बल्खुस्थित बयोधा अस्पतालमा पुर्‍याइएकाे थियाे ।

उनको मष्टिकघातका कारण निधन भएको उनका छोरा निर्भिकले पुष्टि गरेका छन् । ७८ वर्षीय गायक टुहुरेलाई मुटु, फोक्सो, मधुमेह र उच्च रक्तचापको पनि समस्या रहेकाे छाेरा निर्भिकले जानकारी दिएका छन् ।

उनले दर्जनौँ जनवादी गीत गाएका छन् । उनको ‘आमा दिदीबहिनी हो, कति बस्छौ दासी भई…’ बोलको गीत सबैभन्दा बढी चर्चित गीतमध्ये एक थियाे ।