काठमाडौं, बैशाख २७ ।
बलिउडका सुपर स्टार रणवीर कपुर विवाह गर्ने तरखरमा रहेको भारतीय विभिन्न सञ्चारमाध्यमले उल्लेख गरेको छ ।

लिडिङ्ग वेबसाइटले उल्लेख गरेअनुसार रणवीरको विवाह लण्डनको एक नामी परिवारकी छोरीसँग कुरा चलेको दाबी गरेको छ । उक्त वेबसाइटले दाबी गरेअनुसार केही दिन अगाडि मात्र उनकी आमा नीतु कपुरले केटीको परिवारसँग भेटघाट गर्न लण्डन पुगेकी थिइन् भने नीतुलाई केटी मन परेको जनाएकी छन् ।

तर, पनि कपुर परिवारले यसको बारेमा मुख भने खोलेको छैन । यदि यो कुरा साँचो हो भने रणवीरलाई मनपराउने केही केटीहरूको मन दुख्ने प्राय निश्चित भने देखिन्छ ।

केही महिना अघि मात्र रणवीर र कैटरिना कैफबीचको सम्बन्ध टुटेको थियो । त्योभन्दा अगाडि दिपिका पादुकोणसँग नाम जोडिसकेको थियो । अहिले रणवीर सञ्जय दत्तको बायोपिक चलचित्रमा व्यस्त छन् ।