काठमाडाैं, कार्तिक ३ ।
बलिउड स्टार साहरुख खानका छोरा आर्यन खान अहिले निकै चासोको विषयमा परेका छन् । उनी लागू औषधको मुद्दा झेलिरहेका छन् । मुम्बईको आर्थुर रोड जेलमा राखिएका आर्यन अझै केही समय रिहा नहुने भएका छन् ।

आर्यनले धरौटीमा रिहा हुनका लागि दर्ता गरेको निवेदनमाथि अदालतले फैसला सुनाएको छ । आज मुम्बईको विशेष अदालतले आर्यनको धरौटीमा रिहा हुनका लागि दर्ता भएको निवेदन अस्वीकृत गरेको छ । धरौटी निवेदन दिएका अरबाज मर्चेन्ट र मुनमुन धमेचाको पनि अस्वीकृत भएको छ ।

क्रुज जहाजमा रहेका अन्य १२ जनाले पनि धरौटीमा रिहा हुनका लागि निवेदन दर्ता गरेका थिए । उनीहरूको निवेदनमाथि भोलि सुनुवाई हुने इण्डियन एक्सप्रेसले जनाएको छ ।

२३ वर्षीय आर्यनसहित क्रुज जहाजमा रहेकाहरूलाई लागू औषध अनुसन्धान ब्यूरोले २ अक्टोबरमा पक्राऊ गरेको थियो ।