काठमाडाैं, कार्तिक ४ ।
नारकोटिक्स कन्ट्रोल ब्यूरो (एनसीबी) ले आज बलिउड अभिनेता शाहरुख खान र अभिनेत्री अनन्या पाण्डेको घरमा छापा मारेको छ । एनसीबीले शाहरुख खानको घरमा छापा मार्नुअघि अभिनेता चंकी पाण्डेकी छोरी अनन्याको घरमा छापा मारेको थियो । एनसीबीले अनन्या पाण्डेलाई आज २ बजे सोधपुछका लागि समेत बोलाएको थियो ।

लागू औषध मुद्दामा जमानत माग खारेजपछि शाहरुखा छोरा आर्यनलाई भेट्न मुम्बईको आर्थर रोड जेल पुगेको भारतीय सञ्चारमाध्यमले जनाएका छन् । शाहरुख खान र उनका छोरा आर्यनबीच १८ मिनेट भेटघाट भएको थियो । तर जेल प्रशासनको नियमअनुसार १० मिनेट मात्र भेट्न पाइन्छ ।