बैतडी, बैशाख २८।
खोलाले बगाएर बैतडी जिल्ला दशरथचन्द नगरपालिका–६, सुकुट्टीकी २४ वर्षीया सुनिता महर र उनकी ६ वर्षीया छोरी करिश्मा महरको मृत्यु भएको छ ।

बुधबार साँझ करिब ४ः३० बजे घरनजिकै रहेको पुरौडा खोलामा नुहाइरहेका समयमा एक्कासि वर्षासँगै आएको बाढीले आमाछोरीलाई बगाएको जनाएको छ ।

मृतक दुवै जनाको शव परीक्षणका लागि जिल्ला अस्पतालमा राखिएको प्रहरी निरीक्षक कमल बहादुर विष्टले जनाएको छ ।