बलिउड अभिनेता सलमान खानको ‘दबंग टुर रिलोडेड’ दाेश्राे पटक पनि स्थगित

प्रकाशित मिति: १० जेष्ठ २०७९, मंगलवार १८:३९


काठमाडाैं, जेठ १० ।
बलिउड सुपरस्टार सलमान खानको ‘दबंग टुर रिलोडेड’ स्थगित अन्तिम चरणमा आएर स्थगित हुन पुगेकाे छ । साे कार्यक्रम आउँदो शनिबार भारतीय अभिनेता सलमान खान सहभागी हुने भनिएको साँगीतिक कार्यक्रम एकाएक स्थगित हुन पुगेको हाे ।

काठमाडौंकाे दशरथ रङ्गशाला हुने भनिएको उक्त साँगीतिक कार्यक्रम स्थानीय तह निर्वाचनका कारण टिकट बिक्रीमा प्रभाव परेपछि स्थगन गरिएको आयोजक ओडीसी इन्टरटेन्टमेन्ट (प्रा.) लि.ले जनाएको छ ।

कार्यक्रमका लागि आयोजक नेपाली पक्षले तयारी अघि बढाए पनि स्थानीय तह निर्वाचनलगायत अन्य कारणले टिकट बिक्री नभएपछि कार्यक्रम स्थगित भएको हाे । सलमानसहित धेरै बलिउड कलाकारहरू नेपाल आउन लागेका थिए । स्थगित कार्यक्रम भारतीय कलाकारहरूसँग छलफल गरेर अर्काे मिति तय गरेर आयोजना गरिने आयोजकको भनाई रहेकाे छ ।

ओडिसीका प्रबन्ध–निर्देशक सिमान्त गुरुङले भने यसबारेमा खुलेर भने बताएका छैनन् । ‘दबंग टुर रिलोडेड’ नेपालमा दोश्राे पटक रोकिएको हो । यसअघि पनि टिकट सबै बिक्री भइसकेपछि अन्तिम समयमा कार्यक्रम रोकिएको थियो । यसपटक पनि आयोजकले टिकट बिक्री सुरु गरिसकेको थियो ।

सलमानलगायत टीमलाई नेपाल ल्याउन अपुग बजेटका कारण रोकिएको अनुमान पनि गरिएको छ ।


प्रतिक्रिया

ताजा खबर

More

रास्वपाका सभापति लामिछाने घरबाटै पक्राउ, भद्रकाली हिरासतमा बास

काठमाडाैं, चैत १७ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई.....

आइतबार देशभर सार्वजनिक बिदा दिने निर्णय

काठमाडौं, चैत २२ । सरकारले आइतबार.....