काठमाडौं, जेठ २७ ।
बलिउड अभिनेता सलमान खानमाथि गोली प्रहार गरी हत्याको प्रयास भएको छ । भारतीय मिडियाहरूमा आएको समाचारअनुसार उनको घर अगाडि नै सार्पसुटर पुगेका थिए ।

ग्याङस्टर लरेन्स बिस्नोइका सार्पसुटर शुक्रबार मुम्बईको सलमान खानको निवास अगाडि पुगेको भारतीय मिडियाले दाबी गरेका छन् ।

उनको घर बाहिर पुगेका सार्पसुटर अन्तिम समयमा फर्किएका थिए ।

यसअघि यो समूहले नै गायक सिद्धु मुसेवालको हत्या गरेको भारतीय प्रहरीले अनुमान गरेको छ ।

यसअघि सलमान खान र उनका बाबुलाई मारिदिने धम्की दिँदै एक पत्र आएको मुम्बई प्रहरीले जनाएको थियो । तर, सलमान खानले आफूलाई कुनै खतरा नभएको बताउँदै आएका छन् ।