साहित्यकार अमरकाे रचना रहेकाे आकाश छुने सपना सार्वजनिक

काठमाडाैं, असार ७ ।
साहित्यकार एवम् गायक सुरेन्द्र महर्जन ‘अमर’को रचनामा रहेकाे सुमधुर स्वरकी धनी मेलिना राई र मणिसुन्दर लिम्बुको स्वरमा रहेको ”आकाश छुने सपना देखेँ कल्पनामा उडेँ” गीतको म्युजिक भिडियो सार्वजनिक भएको छ ।
उक्त भिडियो ओएस आर डिजिटलको अफिसियल च्यानलमार्फत् सार्वजनिक गरिएकाे हो । सार्वजनिक भिडियोमा नायक यशराज गराज र साक्षी लम्सालको बेजोड अभिनय रहेको छ । रोशन कुमारको निर्देशनमा तयार भएको उक्त भिडियोको संगीत तथा एरेञ्ज पावल चाम्लिङ राईको रहेको छ भने क्यामरामा मुकेश हुमागाई र इडिट विनोद बमको रहेको छ ।
दर्शक श्राेता एवं गीत, संगीत प्रेमी सबैलाई सार्वजनिक भिडियोले आनन्दको अनुभूति दिने र एकै छिन भए पनि दु:ख, पीरबाट टाढा दिने कुरामा भिडियो निर्देशक रोशन कुमारको भनाई रहेको छ ।
प्रतिक्रिया