काठमाडाैं, असार २७ ।
साहित्यकार एवम् पत्रकार विनोद दाहाल वत्सद्वारा विभिन्न व्यक्तित्वहरूमाथि लेखिएको एक स्तरीय विश्लेषणयुक्त पुस्तक “अन्तरङ्ग” (केही अग्रणी व्यक्तित्वहरूसँगको विमर्श) एक समारोहकाबीच सार्वजनिक भएपछि उक्त पुस्तकमा विभिन्न व्यक्तिहरूको विषयमा लिखित उनीहरूका सम्पूर्ण विवरण उनीहरूले आ-आफ्ना क्षेत्रमा देशको निमित्त के–के योगदान दिएका छन् । उनीहरूको विषयमा एक–एक गर्दै आफ्नो अमूल्य समय लगाएर साहित्यकार एवं पत्रकार विनोद दाहालले लेखेका कृति ‘अन्तरङ्ग’ पुस्तकभित्र साहित्यकार, गीतकार, कवि, गायक, चित्रकार, कलाकार, हाइकुकार, उपन्यासकार बहुआयामिक व्यक्तित्व सुरेन्द्र महर्जन ‘अमर’ को विषयमा लिखित अन्तरङ्गभित्रका एक व्यक्तित्व उनको विषयमा लिखित अन्तरङ्गको अडियो सार्वजनिक भएको छ ।

पुस्तक अन्तरङ्गभित्र अमरताको चाहना राख्ने श्रस्टा सुरेन्द्र महर्जन अमर विषयमा लिखित लेखको सुमधुर उद्घोषण रूपा अकौलियाले गरेकी छन् । ओएसनेपालको तर्फबाट अडियो बनाएर वरिष्ठ साहित्यकार सुरेन्द्र महर्जन ‘अमर’ को सम्मान स्वरूप सहयोग गरेको ओएसनेपालको तर्फबाट विवेक कार्कीले बताए । अडियो अमर म्युजिकको यूट्युब च्यानलबाट सार्वजनिक भएको हो ।

अन्तरङ्ग पुस्तकभित्र सुरेन्द्र महर्जन ‘अमर’, डा. अर्जुनदेव भट्ट, ओमप्रसाद कोइराला, कलानिधि, खडनन्द, खेम दाहाल, डा. डीआर उपाध्याय, ताराबहादुर कुँवर, तेजप्रकाश बानियाँ, दुर्गा भमरकोटे, धनविक्रम सिंह, पुरुषोत्तम दाहाल, पुष्पमान अमात्य, प्रतापराज वन्त, माधव रेग्मी, रञ्जुश्री पराजुली, लेखनाथ पोखरेल, बियोगी बुढाथोकी, डा. विष्णु के.सी., शम्भु कोइराला, हरिभक्त सिग्देल ‘महेश’ गरी २१ जना विशिष्ट व्यक्तिहरू रहेका छन् । पुस्तक मुक्तिनाथ दर्शन साहित्य समाज नेपालबाट प्रकाशित भएको हो ।