काठमाडाैं, असाेज १५ ।
नेपालीहरूले विशेष रूपमा मनाइने बडादशैँअन्तर्गत आज नवरात्रीको छैँठाैँ दिन, कात्यायनी देवी भगवतीकोे विशेष पूजाअर्चना गरी मनाइँदैछ । देवी दुर्गाका स्वरूपमध्ये अष्टमातृका भगवतीको छैँठाैँ शक्तिका रूपमा प्रादुर्भाव भएकी कात्यायनी भगवतीकोे पूजा गरिन्छ । आजको दिनमा कात्यायनी भगवतीको पूजा गरे रोग, शोक, भय, दुःख दरिद्रजस्ता संकट नाश हुने धार्मिक विश्वास रही आएको छ ।

धर्मशास्त्रमा उल्लेख भएबमोजिम प्राचीन युगमा कात्या नाम गरेका महर्षिका छोरा कात्यायान ऋषिको छोरीको रूपमा भगवतीले जन्म लिएको हुनाले उनको नाम कात्यायनी रहन गएको कथन देवीभागवत पुराणमा उल्लेख गरिएको छ । आज पनि देशभरीका नवदुर्गाका मन्दिर र शक्तिपीठहरूमा भक्तजनहरूको बिहानैदेखि ठूलाे भीड लागेको छ ।