बुटवल, २ जेठ ।
प्रभु बैंक लिमिटेडले बुटवल उपमहानगरपालिका वडा नं ७ को दीपनगरमा रहेको सुस्तःमनस्थिति बाल विद्या मन्दिरमा आठ वटा कुर्सी र दुई वटा टेबुल हस्तान्तरण गरेको हो ।

प्रभु बैंकले सामाजिक उत्तरदायित्वअन्तर्गत बाल विद्या मन्दिरमा फर्निचर हस्तान्तरण गरेको बैंकका बुटवलका प्रमुख गणेशबहादुर पछाइले बताएका छन् । उनले बैंकले यस प्रकारका सामाजिक कामलाई निरन्तरता दिने बताए ।

उक्त बाल विद्या मन्दिरकी अध्यक्ष मीना भुसालले यहाँका बालबालिकालाई अध्ययनसँगै हेरचाहका लागि प्राप्त फर्निचरले सहज हुने बताएका छन् । सो बाल विद्या मन्दिरमा ३५ बालबालिका छन् ।