काठमाडाैं, कार्तिक ३० ।
अञ्जन बिष्टको गोलमा नेपाली राष्ट्रिय फुटबल टीमले पाकिस्तानविरुद्ध मैत्रीपूर्ण खेलमा शानदार जित निकालेको छ । काठमाडाैंकाे त्रिपुरश्वरस्थित दशरथ रङ्गशालामा आज भएको खेलमा नेपालले पाकिस्तानलाई १ विरुद्ध शून्य गोल अन्तरले पराजित गरेकाे हाे ।

जितमा नेपालका लागि अञ्जनले गोल गर्दै टीमलाई अग्रता दिलाएका हुन् । अञ्जनले खेलको ८२ औँ मिनेटमा गोल गर्दै नेपाललाई १ विरुद्ध शून्य गाेलको जित दिलाए ।

अञ्जनले नेपालका लागि सर्वाधिक दोश्राे गोल गर्ने हरि खड्काको ११ गोलको इतिहाससँग बराबरी गरेका छन् । आजकाे खेलमा तीन वर्षपछि विश्व फुटबलमा फर्केको पाकिस्तानले पनि उत्कृष्ट प्रदर्शन गरेको थियाे ।