काठमाडाैं, मंसिर ६ ।
कतारमा जारी रहेकाे फिफा विश्वकप फुटबल–२२ अन्तर्गतकाे पहिलो खेलमा नै अर्जेन्टिना स्तब्ध बन्न पुगेकाे छ । आज भएकाे खेलमा अर्जेन्टिना साउदीसँग हार व्यहोरेको हाे । आ भएको खेलमा साउदी अरेबियासँग २ विरुद्ध १ गोल अन्तरले पराजित हुँदै अर्जेन्टिनाले हार व्यहोर्न पुगेकाे हाे । याे अर्जेन्टिनाकाे लागि ३२ वर्षपछिकाे हारसमेत भएकाे छ ।

लुसाइल स्टेडियममा साउदी अरेबियाले अर्जेन्टिनाविरुद्ध पुनरागमन गर्दै जित निकालेको हो । प्रतिस्पर्धात्मक खेलमा सुरुवाती अग्रता अर्जेन्टिनाले बनाएको थियो । कप्तान लियोनल मेस्सीले १० औँ मिनेटमा पेनाल्टीबाट गोल गर्दै अर्जेन्टिनालाई सुरुवाती अग्रता दिलाएका थिए ।

साउदीका साउद अब्दुलहामिदले अर्जेन्टिनाका लिन्ड्रो पारेडेसलाई पेनाल्टी क्षेत्रभित्र फउल गरेपछि भीएआरको सहायताले रेफ्रीले अर्जेन्टिनालाई पेनाल्टी दिएको हो । खेलको २८ औँ मिनेटमा लाउटरो मार्टिनेजले गोल गरे तापनि मान्यता भने पाएन । भीएआरमा उनी अफसाइड देखिएका थिए तर, दोश्राे हाफमा साउदीले उत्कृष्ट पुनरागमन गर्‍यो ।

खेलको ४९ औँ मिनेटमा सलेह अल शेहरीले गोल गर्दै साउदीलाई १-१ गोलको बराबरीमा ल्याए । त्यसपछि खेलको ५३ औँ मिनेटमा सलिम अल्दावसरीले उत्कृष्ट गोल गर्दै साउदीलाई २-१ को जित दिलाउन सफल भएका थिए ।