काठमाडाैं, पाैष १८ ।
जबरजस्ती करणीको मुद्दामा पुर्पक्षका लागि थुनामा रहेका क्रिकेटरका पूर्व कप्तान सन्दीप लामिछानेलाई डिप्रेसनको संकेत देखिएपछि मनोपरामर्श दिन सुरु गरिएको छ ।

केन्द्रीय कारागार सुन्धारामा रहेका लामिछानेलाई वरिष्ठ मनोपरामर्शविद् सुष्मा रेग्मीले परामर्श दिएकी छन् । अब, दुई तीन दिनकाे बीचमा नियमित परामर्श दिनुपर्ने डा. रेग्मीले बताएकी छन् ।

डा. रेग्मीकाअनुसार बोलीचाली र हाउभाउ पनि परिवर्तन भएको छ । उनमा नकारात्मक सोचहरू बढेको पाइएको छ । जेलभित्र मनोपरामर्शको कुनै व्यवस्था छैन । अर्कातिर काउन्सिलिङका लागि छुट्टै कोठासमेत नरहेको भन्दै सन्दीपका आफन्तले गुनासोसमेत गरेका छन् ।