काठमाडाैं, माघ १८ ।
नेपाल क्रिकेट संघ (क्यान)ले नाबालिग बलात्कार आरोपमा थुनामा परेका पूर्वकप्तान सन्दीप लामिछानेमाथि गरेको निलम्बन फुकुवा गरेको छ ।

मंगलबार अबेरसम्म बसेको क्यानको बोर्ड बैठकले पूर्वकप्तान लामिछानेको निलम्बन फुकुवा गर्ने निर्णय गरेको हो ।

नाबालिग बलात्कारको आरोपमा पक्राउ परेका सन्दीप केही दिन अघि मात्र उच्च अदालत पाटनको शर्तसहित धरौटीमा रिहा भएको केही समयपछि क्यानले उनी माथिको निलम्बन फुकुवा गर्ने निर्णय गरेको हो । सो निर्णयसँगै लामिछानेलाई पुनः क्रिकेट मैदानमा फर्कने बाटो खुलेको छ ।

गत भाद्र २३ मा क्यानले किशोरी बलात्कारको आरोप लागेपछि लामिछानेलाई निलम्बन गरेको थियो ।