काठमाडाैं, माघ २६ ।
ढाकामा जारी रहेकाे यू-२० महिला साफ च्याम्पियनशीपल खेलअन्तर्गत नेपालले मित्रराष्ट्र भारतलाई ३ विरुद्ध १ गाेलले पराजित गर्दै फाइनलमा प्रवेश गरेकाे नेपालले आज आयाेजक राष्ट्रसँग भने शून्य विरुद्ध ३ गाेलले पराजित हुन पुगेकाे छ ।

यसैबीच, साफ यू-२० महिला च्याम्पियनशीप फुटबलको उपाधि खेलमा भने नेपाल आयोजक बंगलादेशसँग पराजित हुँदै उपाधि बंगलादेशकाे पाेल्टामा पार्न बाध्य भएका छन् ।

ढाकास्थित वीर श्रेष्ठ शहीद सिपाही मुस्तोफा कमल स्टेडियममा आज बिहीबार भएको फाइनलमा बंगलादेशले नेपाललाई ३ विरुद्ध शून्य गोल अन्तरले पराजित गर्दै च्याम्पियन बनेको हो ।

फाइनलमा पराजित भएसँगै नेपालले भने उपविजेतामै चित्त बुझाएको छ । बंगलादेश अपराजित रहँदै उपाधि जित्न सफल रह्यो ।

बंगलादेशलाई जित दिलाउन शाहिदा अक्टर रिपा, शामसुनाहर जुनियर र उन्नोती खातुनले एक-एक गोल गरेकी थिइन् ।

राउण्ड रोबिनको आधारमा भएको प्रतियोगिताको शीर्ष दुई टोलीले उपाधिका लागि प्रतिस्पर्धा गरेका हुन् ।

४ राष्ट्र मात्र सहभागी साे प्रतियोगितामा नेपाल दोश्राे स्थानमा रहँदै फाइनल खेलेको हो भने बंगलादेश शीर्ष स्थानमा रहेर फाइनल खेलेको थियो ।