काठमाडाैं, फागुन २३ ।
नेपाली पुरुष राष्ट्रिय फुटबल टोलीका सदस्य अञ्जन बिष्टले स्पोर्ट्स अवार्ड-२०७८ अन्तर्गत वर्षको उत्कृष्ट पुरुष खेलाडीकाे अवार्ड जित्न सफल भएका छन् ।

आज मंगलबार नेपाल खेलकुद पत्रकार मञ्च (एनएसजेएफ) ले काठमाडाैंकाे प्रज्ञा प्रतिष्ठानमा आयाेजित एक कार्यक्रमकाबीच बिष्टलाई वर्षकाे उत्कृष्ट पुरुष खेलाडीकाे अवार्ड दिएकाे हाे ।

राष्ट्रिय टाेलीबाट सर्वाधिक गाेलकर्ताकाे तेश्राे स्थानमा रहेका बिष्टले अवार्ड जित्ने क्रममा फुटबलकै किरण चेम्जोङ, क्रिकेटका दिपेन्द्र सिंह ऐरी र कुशल भुर्तेल तथा ब्याडमिन्टनका प्रिन्स दाहाललाई पछाडि पारेका थिए ।

अञ्जनले विश्वकप-२०२२ छनाेटमा चाइनिज ताइपेईसँगकाे खेलमा गाेल गरेका थिए । यस्तै, उनले १३ औँ साफ च्याम्पियनशीपमा श्रीलङ्का र बङ्गलादेशसँगकाे खेलमा पनि गाेल गरेका थिए ।