काठमाडाैं, फागुन २४ ।
एएफसी-२० वर्षमुनिकाे महिला एशियन कप छनोटमा नेपालले प्यालेस्टाइनकाे पाेष्टमा गाेलकाे वर्षा गर्दै हराउन सफल भएकाे छ ।

फैजल हल हुसेइनी इन्टरनेशनल रङ्गशालामा भएकाे उक्त खेलमा नेपालले घरेलु टाेली प्यालेस्टाइनलाई ६ विरुद्ध शून्य अन्तरले पराजित गरेकाे हाे ।

समूह ‘बी’ मा रहेकाे नेपालले अब दाेश्राे खेलमा मार्च १२ अर्थात् यही फागुन २८ गते आइतबार नर्दन मारियाना आइल्याण्डसँग प्रतिस्पर्धात्मक खेल खेल्नेछ ।

छनोटबाट समूह विजेताले दोश्राे चरणमा स्थान बनाउने छन् । दोश्राे चरण जुन ३ देखि ११ सम्म हुनेछ । याे चरणबाट उत्कृष्ट चार टोलीले उज्वेकिस्तानमा हुने २० वर्षमुनिकाे महिला एशियन कप खेल्ने छन् ।

एएफसी-२० वर्षमुनिकाे महिला एशियन कप सन् २०२४ को मार्च ३ देखि १६ सम्म उज्वेकिस्तानमा हुनेछ । यस प्रतियाेगिताका लागि आयाेजक राष्ट्र उज्वेकिस्तानसहित सन् २०१९ मा भएकाे प्रतियाेगिताकाे शीर्ष तीन टाेली स्वतः छनाेट भइसकेका छन् । उज्वेकिस्तानसहित पछिल्लो संस्करणको विजेता जापान, दोश्राे भएको उत्तर कोरिया र तेश्राे भएको दक्षिण कोरिया सिधैँ छनोट भइसकेका छन् ।