काठमाडाैं, चैत १७ ।
नेपालले प्रधानमन्त्री थ्री नेसन्स कपको उपाधि जितेको छ । लाओसलाई २-१ गोलको नतिजामा पराजित गर्दै नेपालले उपाधि जितेको हो ।

त्रिपुरेश्वरस्थित शहीद दशरथ रङ्गशाला घरेलु मैदानमा उपाधि उचाल्ने क्रममा नेपालले लाओसलाई २-१ गाेलले हराएको हो ।

खेलको १७ औँ मिनेटमा लाओसका फौथाभोङले गोल गर्दै अग्रता दिलाएका थिए । त्यसको ७ मिनेटमै नेपालले बराबरी गोल फर्काएको थियो । सोही अग्रता बचाउन नसक्दा पहिलो हाफमा लाओस बराबरीमा रोकिएको थियो । एरिक बिष्टले मिलाइदिएको पासमा बक्स भित्रबाट आयुश घलानले गोल गरेका थिए ।

खेल १-१ गोलको स्थितिमा रहेको बेला ८७ औँ मिनेटमा मनिष डाँगीले सुन्दर गोल गरेका थिए ।