काठमाडौं, बैशाख ४ ।
चितवनमा निर्माणाधिन अवस्थामा रहेको गौतमबुद्व अन्तर्राष्ट्रिय क्रिकेट रंगशालाको १२ करोड ऋण सरकारले तिर्ने भएको छ ।

धुर्मुस(सुन्तली फाउण्डेशन निर्माण सुरु गरेको रंगशाला रकम अभावले अलपत्र परेपछि सरकारले स्वामित्व लिएर निर्माणको तयारी थालेको हो ।

फाउण्डेशनले १८ करोड ऋण लागेको बताए पनि सरकारले अहिले १२ करोड तिर्ने भएको हो ।

सरकारले १२ करोड राष्ट्रिय खेलकुद परिषद्मार्फत् धुर्मुस सुन्तली फाउण्डेशनलाई उपलब्ध गराउने तयारी गरेको छ ।