काठमाडाैं, बैशाख १४ ।
नेपाली क्रिकेटका पूर्व कप्तान सन्दीप लामिछाने एक लाख नगदसहित सम्मानित भएका छन् । उनलाई वर्ल्डलिंक कम्युनिकेशन्सले सम्मान गरेको हो ।

ओडीआईमा सबैभन्दा छिटो १ सय विकेट लिएकोमा बधाई दिँदै वर्ल्डलिंकले सन्दीपलाई एक लाख नगदसहित सम्मान गरेको हो ।

लामिछानेले एसीसी प्रिमियर कपअन्तर्गत ओमनविरुद्धको खेलमा एक विकेट लिएसँगै दुर्लभ विश्व कीर्तिमान आफ्नो नाममा गराएका थिए ।

आज बिहीबार भएको कतारविरुद्धको खेलमा नेपालको जितमा नायक बनेका लामिछानेले पाँच विकेट लिएका थिए ।