भरतपुर, जेठ ५ ।
भरतपुर महानगरपालिका–२५ मा गोली चलाएर घाइते बनाई लुटपाट गरिएको छ । अपरिचित समूहले गङ्गाराम महतोमाथि गोली प्रहार गरी घरबाट लुटपाट गरेको चितवनको जिल्ला प्रहरी कार्यालयले जनाएको छ ।

लुटेरा समूहले महतोका आमा ५६ वर्षीया आशा साहुनी महतो, बहिनी २५ वर्षीया रामकुमारी महतोको टाउकामा धारिलो हतियार प्रयोग गरी घाइते बनाइएको छ । हारगुहार गरेपछि हेर्न पुगेका छिमेकी ६० वर्षीय साहुराम महतोलाई पनि उनीहरूले कुटपिट गरेका छन् ।

उनीहरूलाई कुटपिट गरी घरमा रहेको एक लाख ५० हजार, दुई थान सिक्री, एक थान औंठी, एक थान बाला, एक थान मङ्गलसुत्र र चारवटा मोबाइल लुटेराले लगेको थापाले बताए ।

घाइतेको चितवन मेडिकल कलेजमा उपचार भइरहेको छ । गङ्गारामको टाउकाबाट कटुवा पेस्तोलको गोली झिकिएको छ भने आमा साहुनीको टाउकामा रगत जमेको प्रहरीले जनाएको छ ।