राजविराज, जेठ ६ ।
पूर्व–पश्चिम राजमार्ग अन्तर्गत सप्तरीको कन्चनरूप नगरपालिका–११ स्थित मोहुली पुलमा मोटरसाइकल दुर्घटनामा परी आज एक जना म्यादी प्रहरीको मृत्यु भएको छ ।

सप्तरीको इलाका प्रहरी कार्यालय मोहुलीमा कार्यरत सप्तरीकै कृष्ण सबरण गाउँपालिका–३ का २६ वर्षीय मीन नारायण चौधरीको ज्यान गएको प्रहरीले जनाएको छ ।

पश्चिमबाट पूर्व तर्फ जाँदै गरेको चौधरीले चलाएको ना३३प ४१२२ नम्बरको मोटरसाइकल आफँै अनियन्त्रित भई मोहली पुलमा ठोकिँएको थियो । त्यस्तै, मोटरसाइकल पछाडी सवार प्रहरीचौकी पकरीमा कार्यरत सप्तरी कृष्ण सबरण गाउँपालिका–१ बस्ने २३ वर्षीय म्यादी प्रहरी रगुनन्दन चौधरीसमेत गम्भीर घाइते भएका छन् ।

उनको ठेलियास्थित धर्मेश्वर अस्पतालमा उपचार भइरहेको इलाका प्रहरी कर्यालय मोहुलीले जनाएको छ ।