हलिउड सुपर स्टार एञ्जेलिना जोली, पुनः यति धेरै चर्चामा किन ?

प्रकाशित मिति: ७ जेष्ठ २०७४, आईतवार १३:४४


काठमाडौं, जेठ ७ ।
संसारमा पैसा हुने व्यक्ति होस् या नहुने व्यक्ति, सबैको आ–आफ्नै इच्छा र आकांक्षा हुन्छन् । जस्तै की नयाँ सवारी साधन किन्ने, नयाँ महल किन्ने त कसैको नयाँ कुरा गरेर देखाउने आदि इत्यादी ।

तर, हामी यहाँ चर्चा गर्दैछौं, चर्चित विश्व सुन्दरी एवं हलिउडका नामुद अभिनेत्री एञ्जेलिना जोलीको । हुनतः उनको चर्चा बेला–बेलामा हुने गरेका छन् तर, यसपटक उनी पुनः चर्चामा आएकी छन्, साढे दुई करोड अमेरिकी डलर पर्ने नयाँ घर किनेर ।

हलिउड अभिनेता ब्रैड पिट र अभिनेत्री एञ्जेलिना जोलीबीच सम्बन्ध विच्छेद भइसकेपछि उनी नयाँ घरमा सर्न लागेकी हुन् । एउटा अंग्रेजी वेबसाइटले जनाएअनुसार, उक्त आलिशान घरमा धेरै वर्ष अगाडि हलिउड निर्देशक तथा निर्माता सेसिल बी. डिमिली बस्दै आएका थिए । अहिले सोसियल मिडियामा भाइरल भएको फोटोमा के प्रष्ट देख्न सकिन्छ भने, धेरै मानिसले घरभित्र सामान ओसार्दै गरेको देखेका थिए । उक्त आलिशान घरमा एउटा टी हाउस, बगैँचा, स्वीमिङ्ग पुल, छ वटा शयन कक्ष, १० वटा बाथरुम, एउटा सानदार लाइबे्ररी र पुरानो फार्म हाउस किचेन रहेको छ ।

श्रोतले उल्लेख गरेअनुसार जोली र पिटको घर दुई किलो मिटरको दूरीले मात्र फरक छ । आफ्ना छ जना बच्चाहरूले बुबा पिटसँग भेट्न टाढा जान नपरोस् भनेर दुबैको सहमतिमा नजिकै घर किनेको जनाएको छ ।


प्रतिक्रिया

ताजा खबर

More

रास्वपाका सभापति लामिछाने घरबाटै पक्राउ, भद्रकाली हिरासतमा बास

काठमाडाैं, चैत १७ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई.....

आइतबार देशभर सार्वजनिक बिदा दिने निर्णय

काठमाडौं, चैत २२ । सरकारले आइतबार.....