काठमाडाैं, कार्तिक २३ ।
अभिनेत्री दिपाशा बीसी ‘जलपरी’को शव थापाथलीस्थित नर्भिक अस्पतालबाट महाराजगञ्जस्थित त्रिवि शिक्षण अस्पताल लगिएको छ ।

बुधबार राति विष सेवन गरेपछि गम्भीर बिरामी परेकी उनको नर्भिक अस्पतालमा उपचारका क्रममा आज बिहीबार दिउँसाे मृत्यु भएकाे थियाे । दिपाशालाई सँगै बस्ने भाई र बहिनीले अस्पताल पुर्‍याएका थिए ।

पछिल्लो समयकी चर्चित कलाकार दिपाशाको घर सुर्खेत हो । परिवारको साथ नपाए पनि उनी अभिनय क्षेत्रमा स्थापित हुँदै आएकी थिइन् । दिपाशाको शव आमा आएपछि मात्रै त्रिवि शिक्षण अस्पतालमा पोस्टमार्टम गरिने भएकाे छ ।

दिपाशाकी आमा हाल वैदेशिक रोजगारीका लागि यूएईमा छिन् । दिपाशा निराशा र तनावबाट गुज्रिरहेको फेसबुक स्टाटसबाट पनि बुझ्न सकिन्छ ।

चार दिनअघि उनले फेसबुकमा यस्तो भावुक स्टाटस लेखेकी थिइन्

जिन्दगी त हाँसेर जिउने हो
सायद कहिलेकाहीँ कल्पनाभन्दा बाहिरको
आगमनले जिन्दगी तहसनहस बनाउने रहेछ
कहिलेकाहीँ समयले मान्छेको अनेक रूप देखाउँछ
बस अब कसैप्रति विश्वास गर्ने छैन र
बारबार टुट्ने छैन
विश्वास, माया, अनि सबन्ध सबै फ्लिम मै ठीक छ
यथार्थमा जिन्दगीमा सहन गाह्रो छ सबै ।