एजेन्सी, जेठ १० ।
अमेरिकी मूलका बलिउड कलाकार सनी लियोनीले आफ्नो जन्मदिनको अवसर पारेर अमेरिकाको लस एञ्जलसमा एक नयाँ आलिशान बंगला खरिद गरेको छ । उनले आफूले किनेको उक्त बंगलाको फोटो सोशल मिडियामा शेयरसमेत गरेकी छन् । फोटोबाट थाहा पाउन सकिन्छ की सनीको बंगला आलिशान र अत्ति नै सुन्दर रहेको छ ।

आलिशान घरमा छ वटा बेडरुम, एक स्वीमिङ्ग पुल, होम थिएटर, एउटा गार्डन र एउटा आउटडोर डाइनिङ्ग एरिया रहेको छ ।
एक समाचार एजेन्सीकाअनुसार सनीको उक्त नयाँ बंगला शरमन ओक्समा रहेको छ । शरमन ओक्सबाट बेवर्ली हिल्स मात्र ३० मिनेटको दूरीमा रहेको छ । बेवर्ली हिल्समा हलिउडका ठूलठूला कलाकारहरूको घर तथा बंगला रहेको छ ।

सनी लियोनीले सोशल मिडियामा शेयर गरेको उक्त फोटोमा उनकी श्रीमान् डेनिएल विबरका साथ गणेशको मुक्तिसँगै रहेको छ ।

एउटा टिभी च्यानलसँग संक्षिप्त कुराकानी गर्दै डेनियलले भने, ‘सनी र मैले यो बंगला किन्न धेरै दिन कुर्नु प¥यो । यो बंगला सजावटका लागि हामीले नेपाली इन्टेरियल डिजाईनरलाई रोजेको र इटली, स्पेन, रोमबाट सामान किनेको छु । यो बंगलाले हाम्रो पर्सनालिटी पनि देखाउँछ ।’

बंगलाको प्रवेशद्वारमा दुई फिटको गणेश भगवानको मुर्तिसमेत राखिएको छ भने हातबाट निर्माण गरिएको चार फिटको दुई वटा स्तूपा पनि छ जुन नेपालबाट मगाइएको हो ।