कीर्तिपुर, जेठ ११ ।
कीर्तिपुर नगरपालिकाका नव निर्वाचित मेयर रमेश महर्जन र केही वडा अध्यक्षहरूले आज कीर्तिपुर नगरपालिकाका विभिन्न स्थानमा सरसफाई कार्यक्रमको आयोजना गर्दै आफ्नो कार्य सुचारु गरेका छन् ।

सरसफाई कार्यक्रममा नगर प्रमुख महर्जनसहित वडा नं. १० का वडाध्यक्ष अमन महर्जन र वडा नं. १ का वडाध्यक्ष हर्ष महर्जनलगायत एमालेका कार्यकर्ता र स्थानीयबासीहरूको सहभागिता रहेको थियो ।

सरसफाई कार्यक्रमअन्तर्गत नयाँ बजार र बाघ भैरव मन्दिरनजिकै रहेको छ्याकः ल्वहँ आसपासमा सरसफाई कार्यक्रमको आयोजना गरिएको हो ।