काठमाडाैं, भाद्र १० ।
राष्ट्रपति रामचन्द्र पाैडेलले श्रीकृष्ण जन्माष्टमी पर्वकाे उपलक्ष्यमा आज साेमबार ललितपुरकाे पाटनस्थित कृष्ण मन्दिरमा पुगेर पूजाअर्चना गरेका छन् ।

प्रथम महिला सविता पाैडेलसहित पुगेका उनले पुजारीबाट भगवान् श्रीकृष्णकाे टीका र प्रसाद ग्रहण गरेका छन् । उनी पाटन कृष्ण मन्दिर पुग्दा सुरक्षा व्यवस्था कडा पारिएको थियो ।

राष्ट्रपति पाैडेललाई पाटन कृष्ण मन्दिरमा ललितपुर महानगरपालिकाका उमेयर मञ्जरी शाक्य र पदाधिकारीहरू र सांसद्लगायतले स्वागत गरेका थिए ।

वैदिक सनातन हिन्दू धर्मावलम्बीले श्रीकृष्ण जन्माष्टमी सोमबार देशभर भगवान श्रीकृष्णकाे पूजा आराधना गरी धूमधामसँग मनाउँदै छन् ।