काठमाडाैं, भाद्र १२ ।
सुनचाँदी काराेबारकाे चाैथाे दिन आज बुधबार नेपाली बजारमा सुनकाे मूल्य प्रति ताेला ८ सय रुपैयाँले बढेर हालसम्मकै उच्च मूल्य अर्थात प्रति ताेला १ लाख ५३ हजार १ सय रुपैयाँमा काराेबार भइरहेकाे नेपाल सुनचाँदी व्यावसायी महासंघले जनाएकाे छ । यो हालसम्मकै उच्च मूल्य कायम भएकाे हो ।

यसअघि गत भाद्र ५ गते सुनको मूल्य उच्च कायम भएको थियो । त्यसदिन छापावाला सुनको मूल्य ८ सय रुपैयाँले बढ्दै प्रति तोला १ लाख ५३ हजार रुपैयाँ कायम भएको थियो ।

अघिल्लो दिन भने छापावाला सुनको मूल्य १ लाख ५२ हजार ३ सय रुपैयाँमा कारोबार भएको थियो ।

यसैबीच, आज चाँदीको मूल्य पनि बढेको छ । चाँदीको मूल्य ५ रुपैयाँले बढ्दै प्रति तोला १ हजार ८ सय ५५ रुपैयाँमा कारोबार भइरहेको महासंघले जनाएकाे छ ।