काठमाडाैं, भाद्र १४ ।
वीर अस्पताल ईन्टरनल मेडिसिन विभागको नर्सिङ इञ्चार्ज सुभद्रा रेग्मीको निधन भएको छ । वीर अस्पतालमै एन्जियोप्लास्टी गरिसकेपछि अचानक स्वास्थ्यमा समस्या आउँदा बिहीबार दिउँसो उनको निधन भएको हो ।

बिहीबार योजनाअनुसार साँघुरिएको मुटुको भल्भको एन्जियोप्लास्टी गरिसकेपछि अचानक स्वास्थ्यमा समस्या आउँदा उनको मृत्यु भएको बताइएको छ ।

अस्पतालका निर्देशक डा. सन्तोष पौडेलले एन्जियोप्लास्टी अहिले सामान्य भनिए तापनि कहिले काँही नसोचेका जटिल यस भित्र आइदिने भन्दै नर्सिङ इञ्चार्च रेग्मीको केशमा पनि त्यही भएको उनले बताए ।

उनले सामाजिक सञ्जालमा लेखेका छन् ‘खै के भनौँ कसरी भनौँ ।।। जसले यही अस्पतालमा दशकौँ बितायो, हजारौँ बिरामीलाई निको पारेर पठायो, तीनको घाउमा मलम लगायो दया र करुणाले ख्याल गर्यो । तर, आज आफ्नै उपचारका क्रममा यही अस्पतालमा देह त्याग गर्नु पर्यो। कस्तो नियति ।।।। सुभद्रा दिदी हार्दिक श्रद्धाञ्जली।’