काठमाडाैं, भाद्र २८ ।
बागलुङमा सरकारी गाडी दुर्घटनामा परी कम्तीमा पनि तीन जनाको मृत्यु भएको छ । गलकोट नगरपालिका-२ भुङखानीमा रा. १ झ २०० नम्बरको गाडी दुर्घटनामा परेकाे हो ।

आज शुक्रबार बिहान गुडिरहेकाे गाडी भीरमा दुर्घटना भएकोले उद्धारमा कठिनाइ भइरहेकाे बागलुङ प्रहरीले जनाएको छ । तर, पनि उद्धार कार्य भने जारी नै रहेकाे छ । मृत्यु हुनेमा दुई महिला र एक पुरुष रहेको प्रारम्भिक अनुसन्धानबाट खुल्न आएकाे छ ।

घाइते एक जनाको उपचारका लागि धवलागिरी अस्पताल बागलुङ पठाइएको र अवस्था गम्भीर रहेको छ भने घटनाबारे थप विस्तृत विवरण आउन बाँकी रहेकाे छ ।