काठमाडाैं, भाद्र ३० ।
पेट्रोलियम पदार्थको मूल्य पुनः घटेको छ । नेपाल आयल निगमको सञ्चालक समितिको बैठकले पेट्रोल र डिजेलको मूल्य घटाएको हो ।

निगमले पेट्रोलमा प्रतिलिटर ४ रुपैयाँ र डिजेल/मट्टितेलमा प्रतिलिटर ५ रुपैयाँले घटाएको हो । याेसँगै अब काठमाडौं उपत्यकामा पेट्रोलको मूल्य १५९ रुपैयाँ र डिजेल/मट्टितेलको मूल्य १४९ रुपैयाँ कायम भएको छ । नयाँ मूल्यसूची आज आइतबार राति १२ बजेपछि लागू हुने निगमले एक प्रेस विज्ञप्ति जारी गरी जनाएकाे छ ।